橙粉紅色唇膏

YSL 2010/11 Fall/ Winter新色, 支指甲隻色好靚啊, 個Model 有D似趙學而

Chanel 新出既Lip Gloss , Model個咀咀色真係靚呀!!

想搵橙粉紅色實色Lipstick好耐了, 因為岩我膚偏白的人, 唔使點搽胭脂都有面色紅潤效果 , 睇黎睇去都只係得YSL岩我心水, 因為本人係獅子座關係, 包裝對我黎講同質量係一樣咁重要, YSL 最新出品的包裝正合我河車. 平時只會係Duty Free or Counter 試色未真正用過. 感覺都算潤, 用過Chanel / Dior / Maquillage 的Lipstick / Lip Gloss , 只係 Maquillage 會令我再買返. 其實Dior都唔錯, 不過顏色方面我覺得 Maquillage岩我D . 而Chanel唔係唔好用 , 只係佢出黎既色比廣告的差D, 我次次都係比佢廣告Model既咀咀顏色吸引. 買左搽完發覺都唔太滿意. 咁今次就試下YSL啦. 其實Cle de peau 都想試. 不過無我想要既橙粉紅....

六合彩

11月9號起我就唔可以再用$5買一注六合彩去發橫財夢了, 依家改為最小$10一注, 不過獎金又會double返比你喎(如果你中左的話), 以我一貫用做善事的心態去買就梗係叫著數左啦(叫做中左都唔只$20), 不過以Law of attraction 既角度去睇, 咁樣既心態去買六合彩係成世都唔會中的...

六合彩四至七獎最新獎金

固定獎金獎項：四獎（ 4個半字）
原有固定獎金（每注 5元）： 4,800元　新固定獎金（每注 10元）： 9,600元

固定獎金獎項：五獎（ 4個字）
原有固定獎金（每注 5元）： 320元　新固定獎金（每注 10元）： 640元

固定獎金獎項：六獎（ 3個半字）
原有固定獎金（每注 5元）： 160元　新固定獎金（每注 10元）： 320元

固定獎金獎項：七獎（ 3個字）
原有固定獎金（每注 5元）： 20元　新固定獎金（每注 10元）： 40元

註：六合彩頭獎、二獎及三獎乃浮動獎金，視乎中彩注數而定

Brand New Sitcome - Modern Family

一向對sitcom興趣不大, 香港的外國的都一樣, 多年來都沒有認認真真地睇過一集, 直至在一個無聊的星期四晚上給我誤打誤撞地看了一整集, 係一整集come from US 的 sitcom - Modern Family, 佢講明係Brand New , 不過點為之Brand New , 我唔知...可能係沒有了背後的笑聲(本人最討厭 ), 由細到大我都無追過任何一套電視劇, 只係佢 - Modern Family , 令我打後個個星期四的10:00pm都會安坐家中的客廳, 甚至忍唔住到"迅X看看"線上觀看, 不到幾天我已看了一整過Season的 24集了 , 好期待Season 2 啊 !!!!!!

Modern Family 主要係講三個不同的小家庭 ( 其實都係來自一個家庭 )每日發生的爆笑瑣事
1 ) 一家五口的由玩心重, 成個大細路但又很愛錫家庭凡的爸爸 - Phil , 成日覺得自己聰明無敵,  
當老公係仔咁湊的媽媽Claire , 讀緊高中恃靚無恐, 頭腦簡單有個好愛佢既Band友男友的大家姐 - Haley , 岩岩踏入青春期恃住自己有小聰明成日整古家姐細佬的二家姐 - Alex, 成日比人整古不過本身又真係幾蠢, 撞板多過食飯既細佬 - Luke

    
2 ) 第二個家庭就係由Claire的細佬 , 專業的律師 , 頭腦比較冷靜的一家之主Gay爸爸 - Mitchell,同埋我最喜愛的角色 , 愛心超爆鵬 , 神經兮兮,敏感, 愛哭但又溫柔 , 持家有道 , 鍚女錫到燶的Gay爸爸(雖然佢好似媽媽, 不過佢又好介意人地叫佢媽媽的 - Cameron , 仲有一高比個來自越南超可愛的養女 - Lily

3 ) 第三個家庭就係由Claire , Mitchell的爸爸 Jay , 一個已經六十幾但又搵到個美艷風騷身杉超爆正口音特別的哥倫比亞第二春 - Gloria , 而Gloria自己都結過一次婚有一個只有十歲但遺傳左佢親生阿爸的成熟, 風流終日以識年長女仔為上 ( 咁細個就唔用溝字啦 ) , 最拿手寫情信同用不死勇氣表白的肥仔 - Manny , 記得有一集Manny用佢拿手情話係網上馬到了一個已經三字頭的中女, 仲約佢上黎自己屋企坐坐 , 中女見到Manny的時候簡直 O 咀個幕絕對笑死左

本人真係誠意推薦呢套唔會有人成日大笑 ( 我成日覺得笑個D係大肥婆大肥佬 )而又真係幾好笑又輕鬆的sitcom ,有幾集仲搵左D巨星客串架 ( Edward Norton, 高比拜仁, 仲有登登登登- 全球最性感男人之一 George Clooney ) 依家逢星期四10:00pm明珠台有做架 !!!

Belle Je T'aime

Belle = 法文的美麗, 所有女人都努力地打扮得美麗, 女為悅己者容 !!??, 個人認為美麗不只靠外在, 內在的美散發出來又是另一種味道,  一向很欣賞法國女生, 那種從小就陪養出來的自信, 知性, 獨立,敢作敢為, 對美的堅持單單這些就已經令男士神魂癲倒,當然, 我們亞洲男生( 我不想指明是香港的啊 ) 大都已經像Inception般將 " 不符合身材比例的(假)大胸,  大眼仔Con, 假眼捷毛, 長長捲髮" 為美麗女人的標準, 所以大部份的亞洲女生(也不想指明是香港的啊)都會做足以上種種務求令自己在市場上活躍, 但做Copy Cat很沒意思吧. 一式一樣的打扮還有美麗可言麼 ??

這個是我從我其中一個喜愛的Fashion Blog - Face Hunter 上看到的美女, Face Hunter主要是在街頭看見美女帥哥, 打扮有個性的就會跟他拍Snap Shot再放上Blog, 天啊, 隨意的拍一個Snap Shot, Pose也要擺得這麼有美感...港女們 ! 拿出自信來吧, 你也可以很 Belle啊 !